بسم الله الرحمن الرحيم
يوم 1\11\2009 تميت عامي العشرين.........مش عارفه ليه مش عارفه اقتنع بكده؟
اختي الكبيرة عملتلي تورته رائعة.ميرسي D:
وبعد تقطيعي التورته مع زياد"زيزو"ابن اختي وبعديه فاصل من الاحتفال..
طلبت ان كل واحد يقولي وصية...
وقد كان:
امي.....اخلي بالي من اصدقاء السوء
اختي.....احاول اكون هادية
خالي.....الاخلاص
اخويا.....مش عاوزني اطلع دكتورة....ههههه
مش عارفة ليه ساعتها افتكرت جملة عادل امام:بعد 14 سنة خدمة في ثانوي بتقولي اقف
هههههههه
كل سنة وانا طيبة((:
هناك تعليقان (2):
انا عيد ميلادي العشرين مااحتفلتش بيه اصلا لانه ببسامه مايهمش حد غيري وماحدش بيفتكره غيري بس انا فعلا لما بدات احس ان عندي 20 سنه حسيت اني كبرت فجاه وان 20 سنه عدوا من غير ما اعمل حاجه مفيده بس اهو الواحد بيقول انه المفروض يحضر نفسه للمستقبل من دلوقتي مش بس بالدراسه ولكن بحاجات تانيه كتير -مش عارفه ايه هيا؟- بس يعني الواحد لازم يعيش حياته بقي مش كفايه 20 سنه لعب عيال ولا ايه؟
محدش بيفتكره غيرك برده........اوك
هههههه
عندك حق فعلا
انا ال21 سنة(مش عشرين) دول مش حاسة اني عشتهماصلا ولسه ببدأ "انظر" في حياتي .
بس بجد.......كنا هنعمل ايه غير اننا نذاكر ونكون شاطرين؟؟
انا باعتقد ان دي كانت المسئولية الوحيدة او بالاصح-المتاحة- في السنين اللي فاتت.
واذا كان ده المفروض ,ليه فعلا حاسين ان السنين دي اتسرقت ومش عيشناها؟؟
علي فكرة يازهراء انتي اول حد كتب تعليق في مدونتي علي الاطلاق ((:
إرسال تعليق