اغبي جملة سمعتها في حياتي!!
لان مش ينفع نجيب برتقانة وتفاحة ونقول ال2 دول لازم نخليهم زي بعض
او لازم نخلي البرتقانه تفاحة او التفاحة برتقانة!!!!!!!!!
بل بالعكس ,اللي بتنادي بكده فهي بتعترف ضمنيا ان الرجل افضل من المرأة
وهي تريد تلك المكانة .
ولكن الحقيقة ان الرجل ليس افضل من المراة
لان زى ما قولنا مش ينفع نحكم بالافضليه الا علي حاجات متشابهه
واين التشابه بين الرجل والمراة!!!
*مش شطارة من الراجل انه يكون هو المسئول.....فهوني علي نفسك
المسئولية واجب عليه....وليس هو من اختارها....والله اعلم لو كان خيّر؟ ....كان اختارها ولا لأ؟!
*لم تسع المرأة لذلك التوجه الا لانها فقدت الثقة في تحمل الرجل المسئولية واللي بيتكسر ما بيتصلحش
وكتيييير اوى مننا -بنات وولاد-عارف ان في رجال اوغاد كتير.
*لم تصل المرأة تلك المرحلة الا بمساعدة الرجال!
سواء عن طريق سلبي او ايجابي.
*جملة بعض الرجال"احنا هنطالب بعد كده بمساواة الرجل بالمرأة"......مهزلة.
*لو خيرت اغلب النساء بين عالمين, المرأة في احدهما ببيتها والاخر كعالمنا ..... الأول هيفوز بجدارة
ومع ذلك نفضل الخروج لاسباب كتيرة اوى اكيد مش هتكون موجودة في العالم الخيالي الاخر
.....ومش هتفرق سواء كانت المرأة معلمة او قاضية اوغيرها
*لمن تعتقد ان الرجل افضل......هو ف الاخر بيحتاج ليكي انتي.....قتبقي انتي ايه بقي؟؟!
*عن نفسي لو نفسي اكون راجل.....فقط علشان اكون راجل رجل.... وشئ اخر....علشان اعرف هم بيفكروا ازاى :)
*دلوقتي بقي في انصاف رجال كتيييير .....وارباع نساء اكتر
*وبسبب ايماني ان المرأة مش وصلت للمرحلة دي الا بسبب الرجل
فانا مؤمنة تماما ان الرجل وفقط الرجل هو من يستطيع تغييرها
باتباع القاعدتين:
1/رفقا بالقوارير...وفقط الرفق
2/خيركم ,خيركم لاهله....اللي عاوز يكون راجل
يكون راجل الاول مع مامته,مراته,اخته,وبعدين الاخريات......مش العكس (;
علشان هم دول النساء اللي "انت" مسئول عن صورة الراجل قدامهم.
لا تفعل المرأة ذلك الا لبحثها عن الشعور بالامان....وما خلق الرجل الا لذلك.
