استفزتني متابعة استيتسات لواحدة مخطوبة ,عندي ع الفيس بوك...
استيسات موجهة لشخص معين "السيد/خطيبها ", لوصف حالة واضحة........ألا و هي "خـــــــلاص زهقــــــــــت يا منيل O_o"! :D!
حالة فيها ما فيها من اليأس والاحباط عن المرحلة دي..
والبؤس والندم ..
حنين للعودة للماضي سنتين ولا اكتر وذكريات الطفولة أيام البال ما كان رااايق ..اييييييه !دنيا !
حبها لصاحبتها....اللي بتريحها,واللي ليها ف الدنيا دي..
عزيزتي...;
أرجوكي...أرجوكي , عاوزة تبكتيه ...براحتك جداااا..
كل واحدة ليها الحق انها تبكت ف خطيبها زي ما يحلالها !
ممكن يكون وغد !
بس أرجــــــــوكي.... بعيد عننا .....نحن معشر البنات "اللي لسه"!
اتركينا وبراءة الأحلام ف عينينا !
بلاش تبكيت ع الفيس...
او أقولك..غيري ال privacy بتاعه الاستيتس دي وخليه هو لوحده يشوفها !
او أقولك ...خلي كمان صاحبتك تشوفها !
من فضلك ,اعمليلنا حساب نحن الغلابة :(.......احنا لسه قدامنا الامل مرسوووووووووووووم !!
أو أقولك علي فكرة أفضل!.....ممكن تدعيلي لو عملتيها...او تدعي عليا!:$
سيبيه
هو مش مريحك؟!
سيبيه!
وانت يا خطيبها!....أيوه انت طبعااا
مرتبط بيها انت ليه يعني!؟...صدقة !؟
مرتبط بيها انت ليه يعني!؟...صدقة !؟
ريحها الله لا يسيئك....احم... وريحنا منها !!:p
ما تخليش صاحبتها هي اللي ليها ف النيا!....حتي يا أخي شكلها مش حلو!
أخيراً.....معشر البنات "اللي لسه" !
اهبطي كده يا حبيبتي انتي وهيا.......الخطوبة مش الجنة!
واديكو شايفين ! :$
ليست هناك تعليقات:
إرسال تعليق